Description

ဆေးတောင့်တစ်တောင့်တွင် ပါဝင်သောဆေးပစ္စည်း

တောင်ရေချမ်းယားအပွင့်နှင့် အရွက် အဆီအနှစ် ……………… ၂၅၀ မီလီဂရမ်

အပင်အကြောင်းရှင်းလင်းချက်

တောင်ရေချမ်းယားအပင်ကို လွန်ခဲ့သော နှစ်ပေါင်း ၁၀၀၀ ကျော်ခန့်မှစ၍ ဂျာမနီနိုင်ငံအပါအဝင် ဥရောပနိုင်ငံများတွင် စိတ်ကြည်လင် လန်းဆန်းစေရန် သုံးစွဲခဲ့ကြောင်းတွေ့ရပါသည်။ ဥရောပနိုင်ငံများတွင် ဘုရားကျောင်းဝင်းများအတွင်း စိုက်ပျိုးထားရှိပြီး ပန်းပွင့်ဝါလေးများပွင့်နေ၍ အပင်ကို မြင်ရသူအဖို့ စိတ်ကြည်နူးမှု ခံစားရပါသည်။ လူနာသတင်းမေးသွားသောအခါ အပွင့်နှင့် အရွက်များကို ပန်းစည်းစည်း၍ လူနာကုတင်ဘေးတွင် လက်ဆောင်အဖြစ် ထားလေ့ရှိကြပါသည်။ လူနာမှာ ထိုပန်းပင်၏ အဆင်း၊ ရနံ့ တို့ကြောင့် ခံစားနေရသော ဝေဒနာများသက်သာလာပြီး စိတ်ကို တည်ငြိမ်စေကြောင်း သိရပါသည်။

တောင်ရေချမ်းယားအပင်သည် မြန်မာနိုင်ငံ ရှမ်းပြည်နယ်တွင် ပေါက်ရောက်ပါသည်။

တောင်ရေချမ်းယား အပွင့်နှင့် အရွက်မှ ထုတ်ယူရရှိသော အဆီအနှစ်ဖြင့် FAME Pharmaceuticals မှ စိတ်မြှင့်ဆေးကို ဖော်စပ်ထုတ်လုပ်ထားပါသည်။

အကျိုးအာနိသင်

အောက်ပါရောဂါလက္ခဏာရှိသူများကို ဝေဒနာပျောက်ကင်းစေပြီး စိတ်ကြည်လင်လန်းဆန်းစေပါသည်။

◆ နာတာရှည်ရောဂါသည်များ၊ ဆေးရုံ၌ ကုသမှုခံနေရသော လူနာများ

◆ စိတ်ဓာတ်ကျဆင်း၍ မစားချင်မသောက်ချင် ခံတွင်းပျက်နေသူများ၊ ကာမဆန္ဒအားနည်းနေသူများ၊ နှလုံးတုန်ရင်တုန် မောပန်းနေသူများ

◆ စာမေးပွဲဖြေဆိုမည့်သူများ၊ စိုးရိမ်သောကစိတ်လွန်ကဲနေသူများ

သုံးစွဲရန်ဆေးပမာဏ

၁၂ နှစ် နှင့် အထက် – တစ်ခါသောက် ဆေးတောင့်တစ်တောင့် နံနက်တစ်ကြိမ်၊ နေ့လယ်တစ်ကြိမ်သောက်ပါ။

ဘေးထွက်ဆိုးကျိုးများ

ရံဖန်ရံခါ အနည်းငယ် ဝမ်းဗိုက်မအီမသာ ဖြစ်တတ်ပါသည်။ သတ်မှတ်ထားသော ပမာဏထက် များစွာ သောက်သုံးမိလျှင် အလင်းရောင်နှင့် ထိတွေ့ပါက အရေပြားတွင် ဓာတ်မတည့်မှုများ ဖြစ်ပေါ်နိုင်ပါသည်။

အသုံးမပြုသင့်သောအခြေအနေများ

အသက် ၁၂ နှစ်အောက် ကလေးများ၊ ဟော်မုန်းပါဝင်သော ပဋိသန္ဓေတားဆေး သုံးစွဲနေသူများ မသောက်သင့်ပါ။

အခြားသောဆေးများနှင့် တွဲဖက်သုံးစွဲမှု

တောင်ရေချမ်းယားအပင်ကို အချို့သောဆေးများ ဥပမာ Warfarin ကဲ့သို့ သွေးကျဲဆေးများ၊ ဟော်မုန်းပါသော ပဋိသန္ဓေတားဆေးများ၊ အတက်ရောဂါကုဆေးများ၊ စိတ်ရောဂါကုဆေးများနှင့် အတူတွဲဖက် အသုံးမပြုသင့်ပါ။

ထုပ်ပိုးပုံ

ဆေးဘူးတစ်ဘူးလျှင် ဆေးတောင့် (၆၀) ပါဝင်ပါသည်။